«Қаржы орталығы» Satbayev University студенттеріне грант өтемінің жаңа мүмкіндіктерін ұсынды
2024 жылдың 30 сәуірінде Мансап орталығы Жас мамандар мен PhD философия докторларының «Қаржы орталығы» АҚ жетекші маманы Ақзира Серікқалиқызымен кездесуін ұйымдастырды.
Кездесу барысында мемлекеттік білім беру тапсырысы негізінде білім алушылар үшін үш жылдық міндетті өтем мәселелері талқыланды. Сондай-ақ, жас мамандарды жұмысқа бөлу процесі және қолданыстағы заңнамаға сәйкес грантты өтеуден босату мүмкіндігі мәселелері қаралды.
Кездесуде талқыланған басты жаңалық-мемлекеттік тапсырыс негізінде оқитын студенттер мен түлектердің дербес деректерін алу процесін жеңілдету. Енді оларға «электрондық үкімет» порталынан 1414 смс-хабарламалар арқылы өз жұмыс берушісі және зейнетақы аударымдары туралы ақпарат алуға сұрау салулар жіберіледі. Бұл процедураны едәуір жеңілдетеді, өйткені студенттерге әр алты ай сайын жұмыс орны туралы анықтама берудің қажеті жоқ. Инновация «Қаржы орталығы» АҚ ақпараттық жүйелерінің табысты интеграциясының арқасында мүмкін болды, бұл дербес деректерді алу процесін барлық мүдделі тараптар үшін неғұрлым ыңғайлы және тиімді етеді.
